Very Important !!!!

السلام عليكم ..
أول شي حبيت أقولكم اني ماراح أكمل القصه الا بعد رمضان ، ليش؟

-لانه رمضان شهر عباده و رحمه و أنا حاسه نفسي اني مقصره بهالعباده

-أنا قام أحفظ من القران و أكتب لكم قصه من مخي و الكتابه قام تلخبطني بحفظي و أنا ابي أشد حيلي عشان أنجز شي زين برمضان

أنا بكمل القصه ورا رمضان على طول انشالله و بحاول أكتب وايد عشن أعوض هالشهر

و نصيحه مني لكم توقفون قراءة Blogs و قصص و فتحوا قرآنكم و أقروا ...
(شهر رمضان الذي أنزل فيه القرآن هدى للناس وبينات من الهدى والفرقان)

أنا ما قام أقول لا تقرون كلش ! أنا قصدي بكلامي أنه استغلوا هالشهر الفضيل بشي يقوي دينكم و ايمانكم و يفيدكم في الآخره !

و شي ثاني بسرعه بتكلم عنه الي اهوا نعمة الام

أمس اثنين أمهاتهم توفوا (الله يرحمهم) شفتوا شصار فيهم ؟ ظلمت فيهم الدنيا ! فقدوا أغلى ناسهم ! فقدوا شمعة حياتهم!(الله يرحمهم و مثواهم الجنه انشالله)

محد يقدر يتخيل حياته من غير أمه ! الام من أعظم و أغلا النعم الي أنعمها الله علينا ! فليش نعصيها ؟ انا ما راح أجمع بس في ناس يقلون أدبهم على أمهاتهم و البعض يمد ايده ! انا ابي أعرف ليش؟؟ انتوا فكروا فيها اذا طلبوا من امكم شي و قالت لا تتوقعون عناد؟ يعني بس جضي تبي تأذيكم ؟ بالعكس كل شي الام تسوي حقكم يكون مصلحتكم !!

يعني مثال : أبي أطلع مع رفيجاتي بروحنا و أمي قالت لا ! أروح أصارخ و أطنقر عليها ؟ ليش قالت لا؟ لأنه خايفه علي و الحين الكل يدري الديرة ما فيها أمان !

مابي أطول عليكم أكثر لانه اذا بتكلم عن الام و فضلها و مكانتها عن الله ماراح أخلص بس أبي منكم شي واحد ! بس أبيكم الحين تقومون تبوسون راس أمهاتكم ! و ورا الفطور قولوا لها تسلم ايدج او يعطيج العافيه و صدقوني هالكلمه الطيبة بتونسها بدرجة مو صجية !!

الله يحفظ لنا أمهاتنا و يرحم أمهات المسلمين جميعا

و اذا عندكم اي شي تبون تقولنه أو تسألون عنه

Kik : LoveStoryB
Ask: ask.fm\LoveStoryB

و تقبل الله صيامكم